Lady Jaydee aonyesha mfano mzuri wa kujibu maswali ya fans wake, akaribisha wanaoomba undugu wa hiari na yeye.

Lady Jaydee amekuwa akiulizwa maswali mengi na fans wake kupitia page zake za social networks kama facebook na twitter wakitaka kujua mambo mbali mbali ya kumhusu yeye. Kupitia fan page yake ya facebook ambayo imefanikiwa kufikisha likes zaidi ya 20,000 mpaka sasa, aliwaahidi kuwa wiki hii atatoa majibu ya ujumla kwasababu inakuwa ngumu kumjibu mtu mmoja mmoja sababu ya wingi wa maswali.

Kama alivyoahidi yafuatayo ndio maswali na majibu yake kutoka kwa Lady Jaydee hivyo kama ulimuuliza swali lolote soma hapa chini utakutana na majibu. Hivi ndivyo alivyoandika kupitia blog yake.

"Kama nilivyoahidi kujibu maswali ya walio andika facebook inbox. Ambayo mengi yao yana fanana, ila kwa yale ambayo yatakuwa hayajajibiwa ni kutokana na kuwa sikupata majibu yake. Au sina majibu yake kabisa.

1. WANAOOMBA KUFANYA NYIMBO ZA KUSHIRIKIANA, COLLABO/FEAT

Jibu: Ningependa kufanya nyimbo nyingi kwa kushirikiana na wasanii tofauti, lakini kutokana na ukweli halisi ni kwamba Duniani popote. Haiwezekani kwa msanii yoyote kufanya Collabo na kila msanii anaeomba kufanya nae.

Hii ni kutokana na kwamba hata wasikilizaji watachoka kusikia kila siku sauti ya mtu huyo huyo mmoja  kwenye kila wimbo. Pia wakati mwingine inahitajika kuupa muda katikati ya Collabo na Collabo

Na ni vema kuwa niwe nimeshawahi hata kumsikia mtu ambae anaomba nifanye nae wimbo.

Mengi mengine yanakuwa nje ya uwezo wangu.

2. WANAOTAKA KUWA MEMBER WA LA FAMILLE

Jibu: Vigezo vya kuwa member ni kwa wale ambao tumekuwa tukishirikiana nao kwa mambo mbali mbali katika mitandao, tukazoeana baadae tukakutana uso kwa uso na kujenga undungu.

Kwasasa tunaiboresha Familia iliopo, watu wazoeane na kufahamiana kwa ukaribu kabla ya kuongeza members wengine wapya.

Nilifikiria kuunda kundi la pili, litakaloitwa LA FAMILLE 2

Ili lile la kwanza libakie kuwa vile vile, kwakuwa wamekwisha zoeana sana

Na la pili waunde mazoea pia uwe ni umoja mwingine.

3. WANAOOMBA KUWA NDUGU ZANGU WA HIARI -DADA, KAKA, WADOGO

Jibu: Mtu yoyote ambae anapenda kuwa ndugu yangu kwa hiari yake anakaribishwa. Tatizo linakuja pale anapotaka tuwe tuna chat muda wote

Ku chat haitawezekana kutokana na muda kuwa hautoshi.

Ila kunipenda na kuniandikia ni vizuri, nikipata muda nitakuwa najibu, Mkitaka kunitembelea, karibuni Nyumbani Lounge....Sina maneno....Karibuni sana

4. NAFASI ZA KAZI

Jibu: Kuhusiana na wanaohitaji nafasi za kazi

Mnaweza kuandika e-mail: nyumbanilounge@gmail.com

Huko mtapata majibu kutoka kwa wahusika.

5. MISAADA

Jibu: Kwa wale wanaoniomba misaada ya pesa, za ada, chakula na mahitaji mengine.

Ukweli ni kwamba uwezo wangu sio mkubwa sana wa kuweza kumsaidia kila mtu. Japo ningependa kusaidia, na huwa nasaidia pale ninapoweza.

Bahati mbaya maombi yamekuwa mengi kuliko uwezo wangu.

Misaada ya kimuziki naweza kutoa ushauri, ila sina uwezo wa kumlipia Studio kila msanii mchanga anaeniomba.

Ila mnaweza kwenda kwa wenye Studio zao wakawasaidia kuwarekodi bure, endapo watavutiwa na kazi zenu ila hiyo itakuwa ni kazi kwenu kuwashawishi kuwa mna vipaji na mnastahili kusaidiwa bure bila malipo yoyote

6. CD ZINAPOPATIKANA

Jibu: Dar es salaam zinapatikana SHEAR ILLUSIONS -   Mlimani City na

         NYUMBANI LOUNGE

         Au kwa walioko mbali piga simu +255 767 884 007/

        +255 784 884 007

7. VIDEO MPYA

Jibu: Itatoka baada ya wiki moja

8. PROJECT NYINGINE ZINAZOKUJA

Jibu: Kwa sasa kuna project iko njiani na itaanza kuonekana mnamo mwezi wa October katikati

Nitawafahamisha pindi kila kitu kitakapokuwa tayari

9. BEI NA BOOKINGS ZA LADY JAYDEE & MACHOZI BAND

Jibu: Wasiliana na Gardner G Habash

          +255 767 884 007/ +255 784 884 007

           E-mail: nyumbanilounge@gmail.com

           Au fika Nyumbani Lounge kwa maonano ya uso kwa uso

Asanteni kwa kuniandikia, natumaini nimejitahidi kujibu kama mlivyotarajia. Nasikitika kwa ubinaadamu wangu pengine kuna maswali sikuweza kuyajibu, ila uwezo wangu wa kujibu umefikia hapo kwa leo

Kwa mazungumzo ya hapa na pale, na news zozote kunihusu.

Unaweza ku like page yangu www.facebook.com/ladyjaydee

Au nifuate twitter.com kwa jina la JideJayDee

Au niandikie e-mail: judyjaydee@yahoo.com kuhusiana na maswala ya kimuziki tu lakini sio bookings, wala mambo binafsi.